
Rama takim në Bruksel me presidentin e Këshillit Evropian António Costa
Kryeministri Edi Rama u takua sot në Bruksel me presidentin e Këshillit Evropian, António Costa.

Kryeministri Edi Rama u takua sot në Bruksel me presidentin e Këshillit Evropian, António Costa.

Takimi erdhi në kuadër të pjesëmarrjes së kryeministrit Rama në Forumin II të Zgjerimit të Bashkimit Evropian, që po zhvillohet në Bruksel, nën temën “Evropë më e gjerë – Evropë më e fortë”.
Agjencia për Media dhe Informim (MIA) në një postim në rrjetet sociale, deklaroi se ky takim vjen në një moment të rëndësishëm për procesin e zgjerimit dhe avancimin e Shqipërisë në rrugën drejt anëtarësimit në BE.
Kryeministri Rama, po merr pjesë në Forumin II të Zgjerimit të Bashkimit Evropian që fokusohet në progresin e vendeve kandidate, Paketën e Zgjerimit të këtij viti dhe perspektivën e një Bashkimi Evropian më të zgjeruar dhe më rezistent.
Kryeministri Rama ishte sot pjesë e panelit me temë “Arritjet e zgjerimit: Reforma, Investime dhe Rritje”, së bashku me kryeministrin e Malit të Zi, Milojko Spajić, kryeministrin e Maqedonisë së Veriut, Hristijan Mickoski, Komisionerin Europian për Ekonominë dhe Produktivitetin, si dhe për Zbatimin dhe Thjeshtimin, Valdis Dombrovskis, dhe deputetin e Parlamentit Europian, Thijs Reuten, me moderimin e Suzanne Lynch, drejtuese e zyrës së Bloomberg në Bruksel.
Sipas agjendës së publikuar, në kuadër të vizitës kryeministri Rama do të zhvillojë takim edhe me presidenten e Parlamentit Evropian, Roberta Metsola.


















