Ambasadori i Republikës së Shqipërisë në Hungari, Ilirian Kuka, mori pjesë në aktivitetin diplomatik tradicional “Diplomatic Grape Harvest” në Pannonhalma.

Në kuadër të aktivitetit, Ambasadori zhvilloi një takim me Ministrin e Bujqësisë dhe Ushqimit të Hungarisë, z. Szabolcs Bóna, të cilin e uroi për marrjen e detyrës.

Gjatë bashkëbisedimit u vlerësuan marrëdhëniet shumë të mira ndërmjet dy ministrive homologe, marrëveshjet ekzistuese të bashkëpunimit dhe perspektivat për thellimin e mëtejshëm të tyre.

Palët riafirmuan angazhimin për vijimin e bashkëpunimit dypalësh në fushën e bujqësisë dhe agroindustrisë.