Akademiku Nazim Gruda u zgjodh me votë unanime President i Unionit të Akademive Evropiane për Shkencat e Zbatuara në Bujqësi, Ushqim dhe Natyrë (UEAA), duke sjellë Presidencën e Unionit në Shqipëri për dy vitet e ardhshme.

Më 21 shtator 2026, në Akademinë e Shkencave të Shqipërisë në Tiranë, u zhvillua Asambleja XIII e Përgjithshme e UEAA-së, së bashku me mbledhjen e Komitetit Drejtues.

Në kuadër të këtij aktiviteti, u zhvillua edhe simpoziumi shkencor ndërkombëtar me temën “Bujqësi e qëndrueshme europiane dhe menaxhim i balancuar i burimeve natyrore”, ku morën pjesë akademikë, profesorë dhe ekspertë nga Shqipëria, Franca, Italia, Bullgaria, Letonia, Rumania, Suedia dhe vende të tjera.

Gjatë simpoziumit u trajtuan tema të rëndësishme si zhvillimet më të fundit mbi redaktimin e gjeneve në bujqësi në vendet e Bashkimit Evropian.

Pas sesioneve shkencore, Asambleja e Përgjithshme e UEAA-së diskutoi raportet institucionale, çështjet strategjike dhe vijon me zhvilloi zgjedhjet e organeve drejtuese për periudhën 2026–2028.

Gjatë Asamblesë së Përgjithshme u miratuan raportet institucionale dhe u zgjodhën organet drejtuese për mandatin 2026–2028.

Prof. dr. Simone Orlandini, nga Accademia dei Georgofili, Itali, u zgjodh zëvendëspresident. Gjithashtu, u zgjodhën 12 anëtarë të Komitetit Drejtues dhe 7 anëtarë vëzhgues nga akademitë evropiane, mes tyre edhe një përfaqësues nga Akademia e Shkencave dhe e Arteve e Kosovës.

Programi i ditës së dytë (22 shtator 2026), do të vijojë me vizita teknike në Universitetin Bujqësor të Tiranës, në Qendrën e Transferimit të Teknologjive Bujqësore në Lushnjë, si dhe në ferma të rajonit, të shoqëruara me prezantime kërkimore dhe një vizitë kulturore në Ardenicë.

Burimi ATSH