Shqipëria po prezanton potencialin e sipërmarrjes shqiptare në edicionin e vitit 2026 të Panairit Ndërkombëtar të Biznesit MOS, që zhvillohet në Celje të Sllovenisë.

Agjencia Shqiptare e Zhvillimit të Investimeve (AIDA), së bashku me tetë kompani shqiptare, po përfaqëson vendin në pavijonin kombëtar, ku sipërmarrjet shqiptare prezantojnë produktet, shërbimet dhe mundësitë për bashkëpunim me partnerë ndërkombëtarë.

Në ditën e parë të panairit, pavijoni shqiptar u vizitua nga kryeministri i Sllovenisë, Janez Janša, i shoqëruar nga ambasadori i Shqipërisë në Slloveni, Oljan Kanushi. Gjatë vizitës, ata u njohën me kompanitë shqiptare pjesëmarrëse dhe ofertën e tyre në tregjet ndërkombëtare.

MOS 2026 zhvillohet në Celje nga 16 deri më 20 shtator dhe fokusohet te biznesi, inovacioni, sipërmarrja, teknologjia dhe krijimi i mundësive të reja për bashkëpunim.

Në kuadër të panairit, pavijoni shqiptar shërben edhe si hapësirë për takime B2B (biznesi te biznesi), prezantime dhe krijimin e kontakteve të reja mes bizneseve shqiptare dhe partnerëve të huaj.

Marrë nga ATSH