Kryeministri Edi Rama ka ndarë sot në rrjetet sociale pamje nga Saranda, një prej destinacioneve më të preferuara turistike në Shqipëri.

“Saranda, gjithmonë zgjedhja e duhur”, shkruan Rama krahas pamjeve të publikuara.

Saranda vijon të jetë një nga destinacionet më të kërkuara nga turistët vendas dhe të huaj gjatë sezonit veror, duke tërhequr çdo ditë mijëra vizitorë që zgjedhin Rivierën Shqiptare për pushimet e tyre.

Plazhet me ujëra të kristalta, peizazhet natyrore, oferta e pasur gastronomike dhe mundësitë për aktivitete rekreative e kanë shndërruar qytetin në një nga pikat më të preferuara të turizmit në vend.

Përtej pushimeve në plazh, turistët eksplorojnë edhe atraksionet natyrore të zonës, ndërsa ndër destinacionet më të vizituara janë Syri i Kaltër, Ksamili dhe gjiri i Kakomesë.

Turet me varkë përgjatë bregdetit të Jonit mbeten gjithashtu një nga aktivitetet më të kërkuara gjatë sezonit veror.

Burimi ATSH