Procesi i rivlerësimit të pasurive të paluajtshme, i cili parashikon aplikimin e një norme tatimore të reduktuar prej 5% për rivlerësimin e pronave, ka sjellë përfitime të konsiderueshme për tatimpaguesit gjatë vitit 2026.

Sipas të dhënave të publikuara nga Drejtoria e Përgjithshme e Tatimeve, në periudhën janar-korrik 2026, përmes këtij procesi janë kursyer 120,5 milionë euro në kosto fiskale.

Administrata Tatimore vlerëson se rivlerësimi i pasurive vijon të jetë një instrument që u mundëson qytetarëve dhe bizneseve të përfitojnë nga lehtësitë fiskale të parashikuara në legjislacion.

Tatimet u bëjnë thirrje të gjithë tatimpaguesve që nuk e kanë përfituar ende këtë mundësi të aplikojnë brenda afateve të përcaktuara, për të përfituar nga skema e rivlerësimit.

Procesi i rivlerësimit të pasurive të paluajtshme synon përditësimin e vlerës së pronës, duke krijuar përfitime fiskale për pronarët, veçanërisht në rastet e transferimit të pronësisë apo transaksioneve të tjera me pasuritë e paluajtshme.

Nga procesi i rivlerësimit mund të përfitojnë si ata individë që kërkojnë të shesin një pasuri të paluajtshme, por edhe ata që pronat i kanë regjistruar me vlerë më të ulët se tregu.

Sipas administratës tatimore, afati për kryerjen e rivlerësimit përfundon më 31 dhjetor 2026.

Marrë nga ATSH