Nxënësit dhe mësuesit e gjimnazit “Sulejman Elezi” në Laknas, bashkia Kamzë, do të kenë së shpejti kushte më të mira.

Kryeministri Edi Rama ndau sot foto nga gjimnazi i cili është drejt përfundimit, teksa theksoi se në sezonin e ri shkollor do të presë 520 nxënës në kushte dinjitoze.

Kjo shkollë do të jetë e hapur për komunitetin me ambiente pritëse, ambiente sportive, kulturore, artistike që mund t’i shërbejnë nxënësve dhe gjithë komunitetit të zonës.

Në nisje të vitit të ri arsimor 2025-2026 hapën dyert 30 shkolla të reja dhe të rehabilituara në të gjithë vendin, me 340 laboratorë smart.

Ndërkohë që janë 42 kantiere shkollash të hapura njëherësh në të gjithë vendin, të cilat do të përfundojnë me buxhetin e vitit 2026.

Burimi ATSH