Kuvendi miratoi sot me konsensus projektvendimin për disa shtesa dhe ndryshime në Rregulloren e Kuvendit.

Mazhoranca dhe opozita bashkuan votat në Kuvend duke miratuar me 100 vota pro dhe 1 kundër, ndryshimet në Rregulloren e Kuvendit.

Po ashtu, Kuvendi miratoi me 76 vota pro dhe 22 vota kundër, projektligjin “Për ratifikimin e kontratës financiare, ndërmjet Republikës së Shqipërisë dhe Bankës Evropiane të Investimeve, për punimet e infrastrukturës bashkiake për projektin “Porta e Alpeve”.

Ndërsa projektligji “Për disa shtesa dhe ndryshime në ligjin “Për organizimin dhe funksionimin e infrastrukturës kombëtare të informacionit gjeohapësinor në Republikën e Shqipërisë””, u miratua me 76 vota pro dhe 21 vota kundër.

Po ashtu Kuvendi miratoi me 75 vota pro dhe 23 vota kundër projektligjin “Për disa ndryshime dhe shtesa në ligjin “Për burimet ujore”, të ndryshuar”.

Po ashtu Kuvendi miratoi edhe ngritjen e nënkomisionit për administratën publike, i cili do të funksionojë në përbërje të komisionit të Ligjeve.

Burimi ATSH