“Oborret që Flasin” është një projekt kulturor që fton vizitorët të njohin një Himarë autentike, të ruajtur ende në kujtime, këngë, receta dhe histori të jetuara brez pas brezi.

Në disa prej oborreve tradicionale të shtëpive të Bregut, vizitorët do të kenë mundësinë të përjetojnë nga afër rrëfime lokale, gatime tradicionale dhe punë dore, jo si një atraksion turistik, por si një takim i thjeshtë dhe i sinqertë me jetën dhe kulturën e zonës.

Këto oborre, që prej brezash kanë shërbyer si vende mikpritjeje, kujtese dhe bashkëjetese, hapen përkohësisht për të ndarë me publikun copëza të trashëgimisë së jetuar të Himarës dhe për të krijuar një lidhje më të afërt mes komunitetit lokal dhe vizitorëve.

Projekti synon të promovojë trashëgiminë kulturore të zonës përmes përvojave autentike dhe komunikimit të drejtpërdrejtë me banorët, duke sjellë në vëmendje vlerat e jetës tradicionale të Bregut.

“Oborret që Flasin” realizohet me mbështetjen e Bashkisë Himarë dhe Ministrisë së Turizmit, Kulturës dhe Sportit.