Ambasadori i Shqipërisë në Zvicër, Ermal Dredha, mori pjesë në ekspozitën “Kostumet Popullore dhe Identiteti Kombëtar”, organizuar ne Bernë, nën kujdesin e kostumografes Flora Balaj.

POSTIMI I AMBASADORIT DREDHA

Kisha nderin dhe kënaqësinë të merrja pjesë në ekspozitën “Kostumet Popullore dhe Identiteti Kombëtar”, organizuar ne Bernë, nën kujdesin e kostumografes Flora Balaj.

Kjo veprimtari kulturore, përbën një dëshmi të vyer të trashëgimisë sonë kombëtare dhe një kontribut të rëndësishëm të promovimit të identitetit shqiptar në diasporë, si dhe në forcimin e dialogut ndërkulturor.

Shpreh vlerësimin tim të veçantë për Flora & Preng Balaj për përkushtimin dhe profesionalizimin e treguar në realizimin e kësaj ekspozite. Po ashtu, një mirënjohje për mjeshtrin e madh Llesh Nikolla për realizimin dhe shfaqjen e dokumentarit “Sfilatë e Kostumeve shqiptare në Zvicër”, në bashkëpunim me fotografin e mirënjohur Afrim Nevzati.

Mbetem i bindur se aktivitete të tilla, do te vijojnë të luajnë një rol të rëndësishëm në ruajtjen dhe promovimin e vlerave tona kombëtare.