Ambasadori i Spanjës në Shqipëri, Gabriel Cremades, zhvilloi një vizitë në qytetin e Gjirokastrës, me ftesë të Rektorit të Universitetit “Eqrem Çabej” Gjirokastër, Jaho Cana, me rastin e javës së programit Erasmus+, ku morën pjesë 22 profesorë nga Valencia dhe provincat e saj.

Gjatë takimit, Ambasadori falënderoi rektorin për mikpritjen e ngrohtë dhe rikonfirmoi angazhimin e Spanjës për të vijuar nxitjen e shkëmbimeve akademike midis profesorëve dhe studentëve të të dy vendeve, si dhe për të promovuar projekte të reja që forcojnë lidhjet ndërmjet shoqërive tona.

Në kuadër të vizitës, Ambasadori pati një bashkëbisedim me profesorë spanjollë dhe shqiptarë, si dhe me studentë 🇪🇸 të programit Erasmus+ nga degë të ndryshme, të cilët ndanë përvojat e tyre akademike dhe personale në Gjirokastër dhe në Shqipëri.

Gjithashtu, Ambasadori Cremades u takua me Nënkryetaren e Bashkisë së Gjirokastrës, Kristina Gusho, si dhe me Drejtoreshën e Qendrës UNED Gjirokastër, Alesia Llapaj, duke rikonfirmuar angazhimin e përbashkët për bashkëpunimin arsimor dhe kulturor.
🇪🇸🤝🇦🇱