Në Forumin Ekonomik të Delfit, kreyministri Edi Rama u pyet nga kryeredaktori i gazetës Kathimerini, Alexis Papahelas lidhur me marrëveshjen e detit me Greqinë.

“Ka një diskutim midis dy vendeve për zonat ekskluzive ekonomike, ka pasur një marrëveshje midis dy vendeve, keni qenë kundër kur ishit në opozitë, pastaj në 2020 thatë që ishit gati të negocionit me Greqinë dhe ta çoni në Gjykatën Ndërkombëtare të Drejtësisë, a po ndodh gjë në këtë front?”, iu drejtua Papahelas kryeministrit Rama.

Kreu i qeverisë u shpreh se e vërteta ka më shumë nuanca.

“Nuk ishte që unë isha kundër kësaj, por pasi marrëveshja u bë publike, një personalitet i ushtrisë doli me një artikull të plotë të mbushur përplot me kritika dhe kjo e ndezi mjedisin, nuk ndodh vetëm këtu që ka një reagim të menjëhershëm”, shpjegoi Kryeministri.

“Në atë kohë ne ishim në opozitë dhe thashë dëgjoni; kjo mund të duket si një dhuratë e shkëlqyer që mund ta marrim të shkojmë parlament dhe në protesta dhe ta quanim tradhti. Por nuk është kjo që do të bëjmë sepse nuk jemi kjo lloj partie. Por në të njëjtën kohë nuk mund të rrimë duarkryq ndaj do ta çojmë në Kushtetuese dhe i takon asaj të vendosë. Pra e nxorëm nga kjo fusha e futbollit midis partive dhe tifozëve dhe e çuam atje. Kështu funksionoi. Tashmë kemi një marrëveshje me qeverinë greke për të shkuar në Gjykatën Ndërkombëtare”, tha Rama.

Burimi ATSH