Në Tryezën e Rrumbullakët Qeveritare Ekonomike në Rumani, gjatë panelit “Paqja, Stabiliteti, Rritja e Barabartë dhe Kohezioni Social në Kufirin Lindor të Evropës”, Kryeministri i Shqipërisë, Edi Rama, mbajti një video mesazh.

“…solidariteti, vetë themeli i Bashkimit Evropian, jo vetëm që duhet të zgjasë, por duhet të përforcohet përmes partneriteteve më të forta, kohezionit më të thellë dhe sigurisë së shtuar. (…) ne jemi të ashtuquajturit udhëheqës, kemi hapur të gjitha grupet e negociatave në kohë rekord duke synuar t’i mbyllim ato deri në vitin 2027 dhe të bashkohemi me Unionin para fundit të kësaj dekade…”, theksoi ndër të tjera Rama në videomesazhin e tij.

Diskutimi u përqendrua në mënyrën se si Evropa mund të forcojë sigurinë, stabilitetin, rritjen dhe kohezionin e saj, si dhe të mbështesë rrugën europiane të Shqipërisë dhe Moldavisë

Kryeministri rumun Ilie Bolojan dhe Kryeministri moldav Alexandru Munteanu gjithashtu morën pjesë, duke theksuar rëndësinë e zgjerimit të BE-së, konkurrueshmërisë dhe solidaritetit në kohë sfiduese.