Numri i vizitorëve që u akomoduan në strukturat turistike në Shqipëri u rrit me 15,1 % në janar të këtij viti krahasuar me të njëjtin muaj të vitit të kaluar.

Ministri i Turizmit, Kulturës dhe Sportit, Blendi Gonxhja thekson se këto të dhëna dëshmojnë se Shqipëria nuk është më vetëm destinacion veror.

Gonxhja nënvizon se “pas një rekordi historik me 12.4 milionë turistë në 2025, turizmi shqiptar vijon rritjen edhe në janarin e 2026-ës, me +15.1% më shumë vizitorë në strukturat akomoduese krahasuar me një vit më parë, më shumë turistë dhe më shumë netëqëndrime”.

Ministri vë në dukje se është shënuar interes në rritje nga tregjet ndërkombëtare si Italia, Kosova, Gjermania, Mbretëria e Bashkuar dhe Franca.

Ministri Gonxhja pohon se ky është një sinjal i qartë që turizmi po kthehet në motor të qëndrueshëm të ekonomisë, duke u zgjeruar edhe jashtë sezonit veror.

Burimi ATSH