Shkolla 9-vjeçare “Kolë Jakova” në Tiranë, po transformohet në një hapësirë moderne për mësuesit dhe nxënësit.

Kryeministri Edi Rama ndau sot në rrjetet sociale, pamje nga transformimi i kësaj shkolle, ndërsa u shpreh se kjo godinë po transformohet për t’u kthyer në një hapësirë moderne dhe dinjitoze për arsimimin e rreth 500 fëmijëve.

Ky investim arsimor është pjesë e nismës për modernizimin e infrastrukturës shkollore në vend, duke krijuar kushte bashkëkohore për mësimdhënie dhe zhvillim të nxënësve.

Shkolla do të jetë e pajisur me ambiente të standardeve të larta, që përfshijnë laboratorë, hapësira për aktivitete kulturore dhe sportive, si dhe ambiente të gjelbra për qëndrim dhe rekreacion.

Investimi konsiderohet një hap i rëndësishëm në mbështetje të komunitetit në kryeqytet dhe në krijimin e kushteve më të mira për brezat e rinj.

Burimi ATSH