Administrata Tatimore ka vënë në dispozicion një shërbim të ri online që lejon qytetarët të verifikojnë nëse përfitojnë rimbursim për fëmijët në ngarkim nën 18 vjeç dhe për shpenzimet arsimore.

Përmes një pyetësori të thjeshtë dhe të shkurtër, qytetarët mund të marrin menjëherë një përgjigje orientuese mbi përfitimin e mundshëm.

Sipas njoftimit zyrtar, në rast të përfitimit, aplikimi për rimbursim mund të kryhet përmes platformës DIVA 2025, deri më 31 mars 2026.

Për më shumë informacion dhe për të bërë verifikimin, qytetarët mund të aksesojnë linkun zyrtar: Rimbursimi i individëve, https://www.tatime.gov.al/c/3/10/664/rimbursimi.

Burimi ATSH