Në kuadër të procesit të integrimit europian, Ministria e Shëndetësisë dhe Mirëqenies Sociale, si bashkënegociatore e Kapitullit 19 për Politikat Sociale dhe Punësimin, raportoi pranë Komisioni Europian mbi progresin në përmbushjen e masave sociale.

Në një postim në rrjetet sociale MSHMS theksoi se “gjatë raportimit fokusi u vendos te forcimi i kuadrit ligjor për kujdesin alternativ, barazia gjinore dhe lufta kundër dhunës ndaj grave”.

“Gjithashtu në fokus ishte edhe zbatimi i planit të deinstitucionalizimit, Garancia Europiane për Fëmijët, planet e veprimit për komunitetet rom dhe egjiptian, Agjenda Kombëtare e Fëmijëve, si dhe masat për shëndetin dhe sigurinë në punë”, tha MSHMS.

Burimi ATSH