Shefi i Shtabit të Përgjithshëm të Forcave të Armatosura të Republikës së Shqipërisë, Gjeneral Lejtnant Arben Kingji, bëri të ditur sot se do të ketë shtim të forcave në misionin paqeruajtës të KFOR-it në Kosovë.

Në një konferencë të përbashkët për shtyp me ministrin e Mbrojtjes, Pirro Vengu, gjenerali Kingji bëri të ditur se pjesëmarrja e re do të përfshijë një komponent ajror, duke përfshirë një helikopter Cougar me pilot dhe ekuipazh teknik, si dhe elementë për mbështetje operative.

Pjesëmarrja në KFOR synon të forcojë praninë dhe kontributin e Shqipërisë në stabilitetin dhe sigurinë në zonën e Ballkanit.

/Burimi ATSH