Sadushi pret ambasadoren holandeze, në fokus reformat në drejtësi dhe bashkëpunimi institucional

Kryetari i Gjykatës së Lartë, Sokol Sadushi, priti në një takim ambasadoren e re të Holandës në Shqipëri, Marleen Monster


Kryetari i Gjykatës së Lartë, Sokol Sadushi, priti në një takim ambasadoren e re të Holandës në Shqipëri, Marleen Monster. Në fokus të takimit ishte ecuria e reformave në drejtësi, progresi i arritur nga Gjykata e Lartë dhe mundësitë për forcimin e mëtejshëm të bashkëpunimit institucional mes dy vendeve.

Ambasadorja Monster vlerësoi progresin e shënuar nga institucionet e drejtësisë në Shqipëri, duke shprehur gatishmërinë për të vijuar mbështetjen ndaj këtij procesi. Ajo vlerësoi në mënyrë të veçantë bashkëpunimin me Gjykatën e Lartë të Holandës, si dhe aktivitetet e përbashkëta të zhvilluara, të cilat kanë kontribuar në shkëmbimin e përvojave dhe forcimin e kapaciteteve institucionale.

Kryetari i Gjykatës së Lartë, Sokol Sadushi, u shpreh se, pavarësisht sfidave që vijojnë të shoqërojnë sistemin e drejtësisë, rezultatet e arritura tregojnë se Gjykata e Lartë po ecën përpara në mënyrë graduale, me hapa të sigurt dhe me përmirësime të qëndrueshme.

Ai nënvizoi se, gjatë gjashtë viteve të fundit, Gjykata e Lartë ka kaluar nëpër procese të rëndësishme transformimi dhe konsolidimi institucional. Në këtë drejtim, Sadushi vuri në dukje rëndësinë e ruajtjes së performancës së arritur, veçanërisht në drejtim të uljes së stokut të çështjeve të prapambetura (backlog), një prej rezultateve më domethënëse të punës së Gjykatës së Lartë, i cili ka marrë vlerësime edhe në nivelin e institucioneve politikëbërëse. Ai theksoi se vijimi i këtij progresi mbetet thelbësor për konsolidimin e arritjeve të performances së gjykatës dhe për përmirësimin e shërbimit ndaj qytetarëve.

Takimi konfirmoi vullnetin e përbashkët për të vijuar bashkëpunimin mes institucioneve të drejtësisë të të dyja vendeve, në funksion të konsolidimit të rezultateve të arritura dhe avancimit të mëtejshëm të reformave në drejtësi.

Burimi ATSH

Rama: Taksa më të larta për apartamentet që mbahen bosh, zgjerojmë ofertën në tregun e qirave

Kryeministri Edi Rama prezantoi sot në seancën plenare projektbuxhetin për vitin 2027 si dhe paketën e re fiskale.

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Rama: Taksa më të larta për apartamentet që mbahen bosh, zgjerojmë ofertën në tregun e qirave

Kryeministri Edi Rama prezantoi sot në seancën plenare projektbuxhetin për vitin 2027 si dhe paketën e re fiskale.