Ministria e Shëndetësisë dhe Mirëqenies Sociale bëri me dije se përmes zgjerimit dhe forcimit të skemave mbështetëse, vijon të garantojë akses më të lehtë në trajtim dhe kujdes shëndetësor për qytetarët në të gjithë vendin.

Sipas MSHMS-së, gjatë periudhës janar–qershor 2026, 598 pacientë përfituan paketën e stomës, ndërsa 54 439 pacientë u pajisën me fishat e diabetit. Gjithashtu, 342 136 pacientë përfituan recetën me rimbursim, duke siguruar akses në barnat e nevojshme me mbështetje financiare nga shteti.

Ministria e Shëndetësisë dhe Mirëqenies Sociale thekson se forcimi i skemave të mbështetjes synon përmirësimin e cilësisë së shërbimeve shëndetësore dhe lehtësimin e barrës financiare për pacientët, duke garantuar akses të barabartë në trajtim dhe kujdes shëndetësor në të gjithë vendin.

Burimi ATSH