Të ardhurat tatimore vijuan rritjen edhe gjatë muajit korrik, duke reflektuar forcimin e formalizimit të ekonomisë, luftën kundër evazionit fiskal dhe përmirësimin e administrimit tatimor.

Sipas të dhënave të publikuara nga Drejtoria e Përgjithshme e Tatimeve, të ardhurat totale neto gjatë muajit korrik 2026 arritën në 42,4 miliardë lekë, duke tejkaluar planin me 1,6 miliardë lekë ose 3,9%.

Krahasuar me të njëjtën periudhë të vitit 2025, të ardhurat u rritën me 5,1 miliardë lekë, ose 13,8%, duke dëshmuar ecurinë pozitive të mbledhjes së të ardhurave dhe efektivitetin e masave të ndërmarra nga administrata tatimore.

Drejtoria e Përgjithshme e Tatimeve thekson se rezultatet pasqyrojnë angazhimin e administratës për rritjen e nivelit të formalizimit, luftën kundër evazionit fiskal dhe përmirësimin e administrimit tatimor.

Burimi ATSH