Ministri i Mbrojtjes, Ermal Nufi zhvilloi sot një takim në Uashington, me zyrtarin e lartë të Pentagonit, Elbridge A. Colby.

Në takim u shkëmbyen pikëpamje mbi sfidat strategjike që po formësojnë mjedisin e sigurisë euroatlantike.

Nufi vlerësoi se partneriteti mes Shqipërisë dhe Shteteve të Bashkuara mbështetet në vlera të përbashkëta, besim të ndërsjellë dhe një angazhim të palëkundur për paqen, stabilitetin dhe mbrojtjen kolektive.

“Në një mjedis sigurie gjithnjë e më kompleks, koordinimi i ngushtë mes aleatëve mbetet thelbësor për mbrojtjen e interesave tona të përbashkëta dhe forcimin e sigurisë transatlantike”, u shpreh Nufi.

Ministri i Mbrojtjes theksoi se Shqipëria vlerëson thellësisht lidershipin dhe mbështetjen e vazhdueshme të Shteteve të Bashkuara dhe mbetet e përkushtuar ndaj përgjegjësive të saj si një aleate e besueshme në NATO, duke kontribuuar për një Aleancë më të fortë, më të sigurt dhe më kompakte.

Burimi ATSH