Kryeministri Edi Rama shprehu sot ngushëllimet për ndarjen nga jeta të ish-volejbollistit dhe trajnerit legjendar të “Dinamos” dhe Kombëtares, Kreshnik Tartari.

“Lamtumirë miku im i dashur. U prehsh në paqe, Kreshnik Tartari, legjendë e sportit shqiptar, kampion dhe prodhues kampionesh që sfiduan me krenari Europën e volejbollit të femrave, kur Europa ishte një planet tjetër”, shkruan Rama, në një postim në rrjetet sociale.

Kreshnik Tartari u nda dje nga jeta në moshën 83-vjeçare. I lindur më 21 korrik 1943 në Tiranë, me 55 vite në volejboll dhe mbi 2000 ndeshje zyrtare, ai mbetet një prej figurave më emblematike të këtij sporti, duke lënë gjurmë të pashlyeshme si lojtar, trajner dhe drejtues sportiv.

Ndarja nga jeta e mjeshtrit Tartari është një humbje e madhe për sportin shqiptar. Ai do të kujtohet si një nga figurat që i dha lavdi volejbollit shqiptar dhe si një prej arkitektëve të sukseseve më të mëdha të këtij sporti në vend.

Burimi ATSH