Kryeministri Edi Rama e konsideroi sot tronditës, sulmin e dhunshëm me armë nga një person i armatosur në një hotel në Washington D.C. gjatë një aktiviteti presidencial me gazetarët.

Rama dënoi me forcë sulmin ndërsa u shpreh se “një sulm i tillë godet lirinë dhe mënyrën tonë demokratike të jetesës kudo”.

“Tronditëse të marrësh lajmin për një sulm të dhunshëm me armë nga një person i armatosur në një hotel në Washington, DC gjatë një aktiviteti presidencial me gazetarë. Një sulm i tillë godet lirinë dhe mënyrën tonë demokratike të jetesës kudo. E dënoj me forcë. I lehtësuar që Presidenti i SHBA-së dhe të gjithë të pranishmit janë të sigurt dhe mirë”, u shpreh Rama.

Presidenti i SHBA-së, Donald Trump, nuk pësoi lëndime, ndërsa drejtues të tjerë të lartë amerikanë u evakuuan nga darka vjetore e korrespondentëve të Shtëpisë së Bardhë në mbrëmjen e së shtunës, pas një kërcënimi me të shtëna arme.

Incidenti ndodhi jashtë sallës së banketit në hotelin “Washington Hilton”, ku presidenti dhe të ftuarit po prisnin të fillonin aktivitetin.

Marrë nga ATSH