Talentet e shkollës artistike “Feim Ibrahimi” dhe nxënësit spanjollë të “Colegio Madrid-Fundación Santa María” të Spanjës mbushën me tinguj muzikorë kështjellën e Argjiros në Gjirokastër.

Kjo përvojë e veçantë përfaqëson një shkëmbim të bukur kulturash mes dy vendeve.

Ministrja e Arsimit, Mirela Kumbaro tha se “kultura, arti dhe ritmet e gëzuara nga talentet e reja u bënë bashkë duke e shndërruar kalanë tonë në një skenë shkëmbimi, por dhe miqësie si një përvojë e paharrueshme ku muzika dhe arti marrin frymë mes gurëve të historisë”.

Artistët e rinj dhuruan një mbrëmje të mbushur me emocione dhe duartrokitje nën magjinë e mureve të kalasë.

Bashkëpunimi kulturor midis bashkisë Gjirokastër dhe artistëve të rinj nga Spanja do të vazhdojë edhe në të ardhmen.

Burimi ATSH