Ambasada austriake dhe RTSH organizuan një ceremoni të veçantë për këngën shqiptare “Nan” e cila nis rrugëtimin drejt Vjenës.

“Nan” e këngëtarit Alis Kallaci do të përfaqësojë Shqipërinë në edicionin e 70-të të Eurosong, i cili do të zhvillohet në Austri. Përpara nisjes së turneut, në hollin e RTSH-së, u zhvillua një ceremoni e veçantë për delegacionin shqiptar që shkon drejt një prej eventeve muzikore më të rëndësishme evropiane. Në këtë ceremoni mori pjesë ambasadorja austriake, Monika Zach, e cila u prit nga Drejtoresha e Përgjithshme e RTSH-së Eni Vasili.

Ndërsa shprehu të gjithë mbështetjen e saj dhe të institucionit që drejton, drejtoresha e RTSH-së u shpreh entuziaste për këtë fazë kaq të rëndësishme, duke thënë se kënga ’’Nan’’ do të ketë me vete zemrat e të gjithë shqiptarëve.

Alis Kallaci ishte fituesi i edicionit të 64-t të këngës në RTSH. Ai do të interpretojë i 13-ti në gjysmëfinalen që do të zhvillohet në Vjenë, më 14 maj.

10 vendet më të mira nga gjysmëfinalet pritet të kalojnë në finalen e madhe që do të zhvillohet me datë 16 maj.