Sot, më 24 prill, në ambientet e Ambasadës, Ambasadori i Republikës së Shqipërisë në Austri, z. Fate Velaj pati kënaqësinë të ftoj në një takim me Christine Schwarz-Fuchs, Zëvendëspresidente e Bundesratit (Senatit të Austrisë), e cila, duke filluar nga 1 korriku, do të marrë detyrën e Presidentes.

Gjatë takimit u diskutua mbi rrugëtimin e Shqipërisë drejt Bashkimit Evropian, reformat e ndërmarra deri më tani, si dhe ato që janë aktualisht në proces.

Nga ana e saj, znj. Schwarz-Fuchs shprehu mbështetjen e plotë për këtë proces të rëndësishëm dhe pranoi me kënaqësi ftesën për të ndërmarrë hapa të përbashkët me Ambasadën e Republikës së Shqipërisë në Vjenë, në kuadër të rrugëtimit të saj të “Charme Diplomatie”.