Kryeministri Edi Rama tha sot se së shpejti do të miratohet programi i ri i kredive për punonjësit e rinj të shtetit.

Në një bashkëbisedim me pensionistë të Njësisë nr. 2, Rama njoftoi se “po bëjmë një program tërësisht të ri për strehimin në tërësi sepse ky është një problem i madh”.

“Është problem kudo që të jemi të qartë në gjithë botën, në gjithë Europën. 94% e banesave në Shqipëri janë pronë private, pra janë të njerëzve, kështu që vendet e tjera e kanë shumë më të ulët dhe aty ku prindërit nuk kanë pronën, rëndesa mbi fëmijët bëhet dhe më e madhe se nuk blejnë dot një shtëpi, por dhe shtëpitë me qira që kanë prindërit nuk i mbajnë dot e tjerë e tjerë”, u shpreh Rama.

“Ne këtu e kemi këtë problem dhe ajo kredia do ripërtërihet çdo vit. Vjet ishte viti i parë, e mësuam dhe ne nga mënyra si funksionoi”, tha Rama.

Burimi ATSH