Kryeministri Edi Rama deklaroi sot se duhet rritur cilësia e planifikimit dhe projektimit.

Në takimin me kryebashkiakët, Rama tha se “për këtë Agjencia e re e Planifikimit dhe Zhvillimit që do të krijohet do të ketë si objektiv dhe mision të vetin që të jetë një forcë e shtuar dhe të asistojë bashkitë në planifkim”.

“Kjo agjenci duhet të krijojë një kanal më i shpejtë ndërveprimi qoftë për të planifikuar zonat e zhvillimit qoftë për të planifikuar projektet për leje zhvillimi, ndërtimi dhe për të planifikuar pjesën që ka të bëjë me të gjithë godinat me karakter social, çerdhe, kopshte, shkolla, qendra shëndetësore institucione të tjera, të cilat me shumë gjasë është e mundur që kjo agjenci t’i bëjë duke shfrytëzuar kapacitetin e jashtëzakonshëm të arkitektëve të huaj dhe studiove vendase”, u shpreh kreu i qeverisë.

Duke iu drejtuar kryebashkiakëve Rama shpjegoise “nëse doni të ndërtoni një shkollë, merrni projektin fillestar, nëse doni të ndërtoni një qendër shëndetësore projektin fillestar e merrni pro bono, gjë që do të ndodhë në pak kohë sepse plani i reformës për të krijuar këtë agjenci të re është thuajse drejt përfundimit”.

Burimi ATSH