Nga Dr. Dorian Koçi

Ishte një kënaqësi e veçantë të rikthehem në angazhimet e mia të dikurshme akademike, këtë herë në një kuadër diplomatik që bashkon shkencën, kulturën dhe dialogun institucional.

Sot u zhvillua një takim zyrtar ndërmjet Ambasadorit të Jashtëzakonshëm dhe Fuqiplotë të Republikës së Shqipërisë në Republikën e Azerbajxhanit, Sh.T. z. Besart Kadia, Këshilltarit të Ambasadës së Shqipërisë në Azerbajxhan, Dr. Dorian Koçi, dhe Kryetarit të Akademisë Kombëtare të Shkencave të Azerbajxhanit (ANAS), akademik Isa Habibbeyli.

Gjatë takimit u diskutua mbi forcimin e mëtejshëm të marrëdhënieve miqësore dhe bashkëpunimit midis Shqipërisë dhe Azerbajxhanit, me theks të veçantë në fushat shkencore dhe kulturore. Të dyja palët shprehën gatishmërinë për të vendosur bashkëpunim institucional ndërmjet akademive të shkencave të dy vendeve, si dhe për të punuar drejt përgatitjes së një marrëveshjeje formale bashkëpunimi.

Forcimi i lidhjeve akademike dhe kulturore mbetet një shtyllë e rëndësishme e partneritetit ndërkombëtar të qëndrueshëm dhe e mirëkuptimit të ndërsjellë.