Gjatë një takimi mbi “Hartëzimin e Shërbimeve Sociale në Shqipëri”, zëvendësministrja e Shëndetësisë dhe Mirëqenies Sociale, Denada Seferi tha se ka një rritje të ndjeshme me 56% më shumë shërbime sociale, rrjedhimisht me më shumë përfitues në çdo bashki të vendit.

Në aktivitetin e organizuar nga MSHMS, u prezantua një studim i ri gjithëpërfshirës që zbulon përparime të dukshme, në sistemin e kujdesit social të vendit.

Seferi nënvizoi se “po ngrihen tipogji të reja shërbimesh nëpërmjet njësive të lëvizshme dhe asistencës shtëpiake me profesionistë të fushës të mbështetura nga Fondi Social”.

“Sfidat mbeten për më shumë shërbime në zonat rurale dhe më shumë investime për të adresuar boshllëqet e evidentuara”, tha Seferi.

“Hartëzimi i Shërbimeve Sociale në Shqipëri” është pjesë e Programit të Përbashkët të OKB-së “Askush të mos mbetet pas”, i financuar nga Qeveria e Zvicrës dhe i zbatuar nga UNDP, UNICEF, UNFPA dhe UN Women në partneritet me Ministrinë e Shëndetësisë dhe Mirëqenies Sociale të cilët kanë dhënë një vlerë të shtuar për zgjerimin e shërbimeve sociale në territor.

Burimi ATSH