Drejtoria Rajonale e Trashëgimisë Kulturore Shkodër bëri publike statistikat mbi vizitorët që ka mikpritur Kalaja e Shkodrës gjatë muajit gusht.

Kalaja e Rozafës priti 24,413 vizitorë vetëm gjatë gushtit, duke e çuar shifrën për periudhën janar-gusht në 124,856 vizitorë.

Kalaja e Rozafës në Shkodër është një prej kështjellave më të rëndësishme të Shqipërisë dhe objekti kryesor turistik në qytetin e Shkodrës. Ngrihet mbi një kodër shkëmbore në perëndim të qytetit të Shkodrës e rrethuar prej ujërave të lumenjve Bunë, Drin dhe Kir. Mbi faqet e pjerrëta të kodrës ngrihen muret rrethuese të cilat zënë një sipërfaqe rreth 9 hektarë tokë. Kalaja hyrjen kryesore e ka nga verilindja.

Emrin ajo e mori bazuar mbi legjendën e Rozafatit sipas së cilës kalaja u ngrit mbi trupin e një gruaje që u sakrifikua.

Burimi ATSH