Kryeministri Edi Rama ndau sot në rrjetet sociale pamje nga plazhi publik në Ksamil, një nga perlat e bregdetit shqiptar, i njohur për ujin kristal, natyrën e virgjër dhe pamjet mahnitëse.

“Nga plazhi publik në Ksamil”, shkruan Rama në postimin e tij, duke evidentuar edhe bukuritë natyrore të kësaj zone, e cila prej vitesh është kthyer në një ndër destinacionet më të preferuara për pushuesit vendas dhe të huaj.

Plazhi publik në Ksamil është pjesë e përpjekjeve të qeverisë për të garantuar akses të lirë dhe cilësi të lartë të shërbimeve për të gjithë qytetarët dhe vizitorët, në përputhje me standardet moderne të menaxhimit të vijës bregdetare. Prej muajsh, institucionet ligjzbatuese po ndjekin me vëmendje veprimtarinë e bizneseve në vijën bregdetare për të garantuar respektimin e plazheve publike, duke mënjanuar zaptimin e tyre të padrejtë.

Me një infrastrukturë të përmirësuar dhe pasuri natyrore unike, Ksamil vazhdon të jetë një nga atraksionet kryesore të rivierës shqiptare. Madje, mediet botërore Ksamilin e kanë etiketuar si Maldivet shqiptare.

Burimi ATSH