Bashkia e Pogradecit ka krijuar hapësira të posaçme për personat me aftësi të kufizuara në plazhin e liqenit.

Punonjësit e bashkisë kanë ndërtuar pedanën, që mundëson aksesin dhe çadrat falas për të këtë kategori shoqërore që të freskohen në ujin e liqenit.

Institucioni i Komisionerit për Mbrojtjen nga Diskriminimi ndau në rrjetet sociale pamje nga këto hapësira teksa thekson se “IKMD prej vitesh promovon projekte që lehtësojnë integrimin fizik të komuniteteve dhe grupeve vulnerabël për të shijuar bukuritë e Shqipërisë”.

Për këtë arsye, IKMD përgëzon bashkinë e Pogradecit duke inkurajuar edhe bashkitë e tjera të ndjekin këtë shembull pozitiv.