Kombëtarja shqiptare e futbollit dhe Serbia barazuan sonte 0-0 në “Arenën Kombëtare” të Tiranës, sfidë kjo e vlefshme për Grupin K kualifikues të Kupës së Botës 2026.

Në fund të pjesës së parë erdhi rasti i artë për Shqipërinë. Një depërtim i shkëlqyer nga Hysajt, i cili pason në zonë dhe në tentativën e dytë merr një goditje të gabuar në zonë dhe fiton 11-metërsh. Por Manaj gabon, teksa portieri serb arrin të presë goditjen e sulmuesit shqiptar.

Kjo ishte ndeshja e tretë për Kombëtaren në Grupin K, me kuqezinjtë që pas humbjes me Anglinë, fitores me Andorrën dhe barazimit me Serbinë, mbajnë vendin e dytë me 4 pikë.

Nga ana tjetër Serbia ka qenë e impenjuar në Ligën e Kombeve dhe sfida e sotme ishte debutuese për ta në këtë grup dhe ky barazim i jep pikën e parë në grup.

Grupi K kryesohet nga Anglia me 9 pikë pas 3 fitoreve, ndërsa Letonia është e treta me 3 pikë.