Drejtoria e Përgjithshme e Tatimeve bëri të ditur sot se vazhdon performanca e mirë e të ardhurave nga Tatimi mbi të Ardhurat Personale dhe kontributet e Sigurimeve Shoqërore dhe Shëndetësore si pasojë e aksionit të informalitet të pagave, por edhe thirrjeve të vazhdueshme për vetëpërmbushje dhe reflektimit të bizneseve.

“Falenderojmë bizneset, që vazhdojnë të rrisin pagat në funksion të pensioneve dinjitoze”, thuhet në njoftimin për shtyp të DPT-së.

DPT bënë të ditur se në maj 2025 kontributet u rritë me 8.2% ndaj planit dhe 12% ndaj faktit.

Tatimi mbi të Ardhurat Personale (TAP) u rrit me 17.2% ndaj planit dhe 17.83% ndaj faktit.

Ndërsa referuar 5-mujorit 2025 kontributet e sigurimeve shoqërore dhe shëndetësore janë rritur me 3 miliardë lekë më shumë se plani ose 4.52% më shumë.

DPT informon se krahasuar me faktin e vitit të kaluar, rritja është 7.7 miliardë lekë më shumë, ose 12.1% më shumë.

“TAP regjistroi 4.5 miliard lekë më shumë se plani për 5 mujorin 2025, ose 15.33% më shumë, ndërsa krahasuar me të njëjtën periudhë të 2024, rritja është 7 miliard lekë, ose 26.26% më shumë”, thuhet në njoftimin për shtyp të DPT-së.

Ky trend pozitiv i të ardhurave, sipas DPT-së “është tregues i qartë i performancës së mirë fiskale dhe administrimit efektiv të sistemit tatimor”.

Burimi ATSH