Qendra Kombëtare e Biznesit (QKB) dhe Instituti i Ekspertëve Fiskalë (IEF) nënshkruan marrëveshjen e bashkëpunimit për lehtësimin dhe përmirësimin e cilësisë së raportimit financiar të subjekteve në Shqipëri.

Sipas QKB-së, marrëveshja mundëson ofrimin pa pagesë të platformës digjitale SmartFin, një zgjidhje moderne për bizneset shqiptare për fiskalizim elektronik, kontabilitet dhe auditim në kohë reale

Gjithashtu krijon mundësi për programe trajnimi falas nga IEF për personelin e QKB-së në fushat e raportimit financiar dhe jo vetëm.

Në një njoftim të saj, QKB thekson se, ky bashkëpunim shënon një hap të rëndësishëm në drejtim të modernizimit të shërbimeve publike dhe aksesit të biznesit në teknologjitë inovative financiare.

Burimi ATSH