Presidenti i Federatës Zvicerane, Blanc vlerëson zhvillimin e futbollit shqiptar

Presidenti i Federatës Zvicerane të Futbollit, Dominique Blanc zhvilloi një vizitë dyditore në Shqipëri. Gjatë kësaj vizite ai u prit nga Presidenti i FSHF-së, Armand Duka, Sekretari i Përgjithshëm i FSHF, Ilir Shulku dhe Drejtori Administrativ i FSHF, Aldi Topçiu.


Presidenti i Federatës Zvicerane të Futbollit, Dominique Blanc zhvilloi një vizitë dyditore në Shqipëri. Gjatë kësaj vizite ai u prit nga Presidenti i FSHF-së, Armand Duka, Sekretari i Përgjithshëm i FSHF, Ilir Shulku dhe Drejtori Administrativ i FSHF, Aldi Topçiu.

Qëllimi i vizitës ishte shkëmbimi i eksperiencave dhe diskutimi i projekteve të ndryshme mes federatave.

Kreu i Federatës Zvicerane inspektoi ambientet e “Shtëpisë së Futbollit”. Ai pa nga afër terrenet stërvitore, qendrën e stërvitjes për ekipin kombëtar, ambientet e brendshme të administratës dhe muzeun, ku pati mundësinë të njihej me historinë e futbollit shqiptar.

Federata zvicerane ka në program ndërtimin e një qendre sportive dhe për këtë arsye Presidenti Blanc pati shume interes për të vizituar në detaje Shtëpinë e Futbollit.

Në një prononcim për fshf.org, Presidenti Blanc u shpreh i impresionuar nga arritjet e FSHF-së, e veçanërisht për projektin “Uniforma ime”, ku Federata ofron falas materiale stërvitore për të rinjtë që bëhen pjesë e futbollit.

“Së pari, dua t’ju falënderoj shumë për ftesën. Jam mjaft i impresionuar nga ajo që kam parë këtu, një federatë me zhvillim të madh, me mjete shumë moderne për të zhvilluar futbollin në Shqipëri. Kam parë gjithçka. Jam i impresionuar veçanërisht për faktin se si Federata ofron falas për futbollistët e rinj set të plotë materialesh bazë për t’u stërvitur. Kjo është hera e parë që dëgjoj për diçka të tillë dhe dua t’ju them urime. Vura re më tej që në çdo sektor të futbollit ka një zhvillim të fortë dhe gatishmëri për ta çuar futbollin përpara. Kam përshtypje shumë të mira” – tha kreu i qeverisë së futbollit zviceran, ndërsa kujtoi ndër të tjera edhe ndeshjen Shqipëri – Zvicër, e luajtur më 11 qershor 2016 në finalet e “Euro 2016” në Lens të Francës.

“Do të thoja se historia më interesante që kam me futbollin shqiptar ishte ndeshja e famshme me Zvicrën në vitin 2016 në Francë, ku Kombëtarja juaj mori pjesë për herë të parë në finalet e një Europiani. Një ndeshje fantastike në Lens të Francës mes Shqipërisë dhe Zvicrës. Nuk duhet të harrojmë se kemi shumë shqiptarë që jetojnë në Zvicër. Në atë ndeshje në fushë me Zvicrën kishte lojtarë me origjinë shqiptare. Ndeshja ishte e një niveli shumë të lartë, kishte edhe shumë emocione. Dhe kjo është miqësia që futbolli na ofroi asokohe”, theksoi Dominique Blanc.

Lexo më shumë nga

Një deri në tri paga shpërblim për punonjësit e angazhuar në shuarjen e zjarreve

Këshilli i Ministrave vendosi sot të shpërblejë financiarisht të gjithë personelin shtetëror të angazhuar në operacionet për shuarjen e zjarreve…

Global 360

Presidenti i Këshillit Evropian, Costa: Zgjerimi i BE-së, investim strategjik për paqen dhe të ardhmen e kontinentit

Presidenti i Këshillit Evropian, Antonio Kosta, deklaroi sot se zgjerimi i Bashkimit Evropian është një nga sfidat më domethënëse dhe…

Diplovista

Hasani për ”Kathimerini”: Të thellojmë bashkëpunimin bazuar në interesat strategjike

Tri javë pas rizgjedhjes së Edi Ramës, ministri i Jashtëm i Shqipërisë, Igli Hasani vizitoi Athinën, ku u takua edhe…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Humanizmi sot në shoqëri sfidë për njerëzimin!

Humanizmi sot nuk është thjesht një koncept filozofik, por një nevojë absolute shoqërore dhe morale.

Profil

Koçi Tahiri, veprimtar i respektuar i elitës intelektuale dhe i politikës shqiptare

"Pishtari i Demokracisë" dhe ish-deputet (2017-2021) ka veprimtari të gjerë aktive 35-vjeçare, me karakter krahinor dhe kombëtar.

Masmedia

Një deri në tri paga shpërblim për punonjësit e angazhuar në shuarjen e zjarreve

Këshilli i Ministrave vendosi sot të shpërblejë financiarisht të gjithë personelin shtetëror të angazhuar në operacionet për shuarjen e zjarreve…