Kryetari i bashkisë së Vlorës, Ermal Dredha priti në një takim ambasadorin e Brazilit në Shqipëri, João Tabajara de Olivera Júnior.

Gjatë takimit Dredha dhe ambasadori De Olivera Júnior biseduan mbi zgjerimin e mundësisë së bashkëpunimit, për të zhvilluar shkëmbime kulturore.

“Ndërveprimi me vende me një pasuri të pakrahasueshme kulturore, e cila reflektohet në muzikë, gastronomi, festivale e shumë zhanre që i shërbejnë turizmit, i shton Vlorës mundësinë për t’u rritur çdo ditë”, theksoi Dredha.

Në takim ishte e pranishme edhe Konsullja e Nderit të Brazilit në Vlorë, Valbona Meli.