Ambasadori i Azerbajxhanit në Shqipëri, Anar Huseynov, zhvilloi një vizitë në Universitetin e Shkodrës “Luigj Gurakuqi”, ku u prit nga Rektori Tonin Gjuraj.

Me hapjen e misionit diplomatik të Shqipërisë në Azerbajxhan dhe me heqjen e regjimit të vizave, mundësitë e bashkëpunimit ndëruniversitar janë më të mëdha, për shkëmbime studentore e të stafit.

POSTIMI I REKTORIT GJURAJ

Me ambasadorin e Azerbajxhanit në UNISHK, z. Anar Hüseynov, me të cilin nënvizuam se, arsimi, shkenca dhe kërkimi shkencor tejkalojnë kufijtë kombëtarë, duke shprehur gatishmërinë e Universitetit të Shkodrës “Luigj Gurakuqi” për të qenë i hapur për bashkëpunim dhe me universitete jashtë hapësirës evropiane.

Me hapjen e misionit diplomatik të Shqipërisë në Azerbajxhan dhe me heqjen e regjimit të vizave, mundësitë e bashkëpunimit ndëruniversitar janë më të mëdha, për shkëmbime studentore e të stafit.

Ambasadori Hüseynov premtoi se, së shpejti, do të ofrojë një prezantim të detajuar në institucionin tonë, të universiteteve të Azerbajxhanit, për të eksploruar mundësi marrëveshjeje me UNISHK, si universiteti i vetëm në veriun e Shqipërisë.