Ministria e Ekonomisë, Kulturës dhe Inovacionit bën me dije se në tre muajt e parë të vitit 2024 vendi ynë shënoi rritje me 47 % të vizitorëve në institucionet e trashëgimisë kulturore, krahasuar me vitin e shkuar.
Sot, në Ditën Ndërkombëtare të Muzeve, MEKI sjell këtë kolazh fotosh nga muzetë në Shqipëri.
Ky vit ka si lajtmotiv eksplorimin e potencialit inovativ të muzeve në edukimin cilësor gjithëpërfshirës dhe kërkimin përmes nxitjes së inovacionit.
Statistikat e fundit të MEKI-t tregojnë se Shqipëria turistike vijon të bëjë jehonë jo vetëm për bregdetin e mahnitshëm dhe Alpet madhështore, po përditë e më shumë edhe me trashëgiminë e saj të pasur kulturore.
