Ministrja e Shtetit për Administratën Publike dhe Antikorrupsionin, Adea Pirdeni, në një postim në rrjetet sociale ka ndarë foto nga takimi me vajzat e ekselencës në shërbimin civil.

Ministrja Pirdeni theksoi në takim angazhimin e qeverisë për krijimin e një administrate që i përgjigjet sfidave të kohës. Ajo konfirmoi angazhimin e burimeve njerëzore në administratë për të vijuar procesin e transformimit të administratës, si një aset i çmuar i institucioneve shtetërore.

“Me vajzat fantastike të Programit të Ekselencës, folëm për rrugëtimin e tyre të deritanishëm në administratë, si dhe pritshmëritë për një administratë që i përgjigjet sfidave të kohës”, shkruan Pirdeni.

“Shprehëm angazhimin tonë për të vazhduar një proces transformimi të administratës, që ofron të gjitha kushtet që ato të vazhdojnë të jenë një aset i çmuar i institucioneve shtetërore”, përfundon postimin e saj, ministrja e Shtetit për Administratën Publike dhe Antikorrupsionin, Adea Pirdeni.