Kuvendi zhvillon aktivitetin e Klubit të Parlamentarëve të Rinj

Tema e takimit është “Bridging the Gap: On youth political participation and youth policy”


Nën drejtimin dhe kujdesin e veçantë të Kryetares së Kuvendit, Lindita Nikolla, Kuvendi i Shqipërisë në bashkëpunim me Parlamentin Evropian, zhvilluan ditën e sotme në sallën e Seancave Plenare, aktivitetin e Klubit të Parlamentarëve të Rinj.

Tema e takimit është “Bridging the Gap: On youth political participation and youth policy”. Ky aktivitet do të shtrihet në një sesion dyditor, duke vazhduar edhe në datën 24 shkurt.

Në aktivitet morën pjesë pjesë deputetë të Kuvendit, europarlamentarë dhe deputetë e përfaqësues të shoqërisë civile nga vendet e Ballkanit Perëndimor, Silvio Gonzato – ambasador i Bashkimit Europian në Shqipëri, Genci Gjonçaj – sekretar i përgjithshëm i Kuvendit të Shqipërisë, Ognjen Markoviç – drejtues i Ekipit të Laboratorit Rinor të BP, Këshilli i Bashkëpunimit Rajonal, Maximilian Schröder – shef i Njësisë për Mbështetjen e Ndërmjetësimit dhe Dialogut, Drejtoria për Mbështetjen e Demokracisë, Drejtoria e Përgjithshme për Politikat e Jashtme, Fabio Massimo Castaldo, anëtar i Parlamentit Evropian, anëtar kryesor për programin Liderë të Rinj Politikë etj.

Kryetarja Lindita Nikolla, në fjalën e saj përshëndetëse, falënderoi Parlamentin Europian për bashkorganizimin e kësaj veprimtarie në Kuvendin e Shqipërisë dhe nënvizoi se, “tema e këtij takimi është domethënëse, pasi ngushtimi i hendekëve, kapërcimi i barrierave dhe tejkalimi i mosmarrëveshjeve tradicionale, që karakterizon marrëdhëniet në Ballkan, është imperativ i kohës. Ky imperativ duhet të jetë një nga udhëhartat për shtetet, popujt, kombet, institucionet, klasat politike shoqërinë civile, median dhe të gjithë aktorët shtetërorë dhe jo shtetërorë, politikë dhe jopolitikë, kombëtar dhe rajonal, fetar në rajon. Ne në Shqipëri dhe në Kuvend ia kemi arritur të shmangim të ashtuquajturin fenomen të gerontokracisë dhe ta bëjmë rininë një pjesëmarrëse aktive, të denjë dhe një faktor ndryshimi në partitë politike, institucionet politike, parlament dhe qeverisjen vendore. Por rinia do të bëhet një forcë kontribuese dhe një faktor ndryshimi jo vetëm nëpërmjet investimit politik dhe pjesëmarrjes politike, por edhe nëpërmjet rritjes së aksesit në ekonomi, në tregun e punës dhe teknologji. Konektiviteti, transformimi digjital dhe zhvillimi i teknologjive moderne të informacionit janë disa korsi dhe oportunitete të rëndësishme, nëpër të cilat rinia shqiptare po afirmohet si një forcë ndryshimi dhe promotor i integrimit evropian”.

Më tej, Silvio Gonzato, ambasador i Bashkimit Europian në Shqipëri, në fjalën e tij vuri në dukje se, Shqipëria po promovon qasje inovatore duke bërë së bashku parlamentarët e rinj por edhe anëtarët e shoqërisë civile sërish të rinj, nga gjithë rajoni, për të diskutuar çështje të cilat janë të një rëndësie të madhe.

“Më vjen mirë që kjo promovohet nga Parlamenti Europian, por edhe nga Komisioni Europian, si edhe nga Këshilli për Bashkëpunim Rajonal. Këto lloj aktivitetesh që sjellin bashkë persona nga fusha të ndryshme, tregon që vetë parlamentet janë më të hapura për Shoqërinë Civile, dhe kështu kemi në fakt një qeverisje më gjithëpërfshirëse, më transparente dhe më efikase, që të gjitha vendimmarrjet të jenë të mirë informuara nga kontribute të ndryshme të shoqërisë, duke sjellë kështu demokraci më të shëndetshme”, theksoi Gonzato.

Aktivitetin e përshëndeti edhe deputetja e Kuvendit, Erisa Xhixho, në cilësinë e kryetares së Klubit Parlamentar të të Rinjve, e cila nënvizoi se në emër të grupit deputetëve të rinj, ky grup do të punojë fort për pasur rezultate konkrete në funksion të përfshirjes së të rinjve në politikë.

“Do dëshiroja që këto dy ditë t’i shfrytëzojmë për të ndërvepruar me njëri-tjetrin, për të parë çfarë na ndan e çfarë na bashkon, për të mësuar nga përvojat e njëri-tjetrit e për të krijuar modele të suksesshme. Për shkak të historisë, jemi shumë afër me njëri-tjetrin dhe kjo do të na ndihmojë të kuptojmë shumë shpejt se ku duam të arrijmë dhe sa shpejt. Një rajon politikisht i trazuar, Ballkani është njëkohësisht edhe rajoni me popullsinë më të re në Europë. Ndaj le ta shndërrojmë bashkëpunimin tonë në një model të një politike të re që ngre ura bashkëpunimi dhe u jep të rinjve shansin për të treguar çfarë dinë të bëjnë”.

Aktiviteti vazhdoi me përshëndetje dhe diskutime tematike, edhe të të ftuarve të tjerë.

(Marrë nga ATSH)

“Daily Express”: Shqipëria – zbuloni disa nga brigjet më të bukura të vendit ballkanik

Aurora Bosotti shkruan në të përditshmen britanike “Daily Express”.

Global 360

NATO me udhëheqje të re: Lidhjet e Mark Rutte-s me Kosovën ndër vite

Sekretarët e përgjithshëm të NATO-s zgjidhen me konsensus nga të 32 vendet anëtare.

Diplovista

Bregu: Zero roaming me BE-në deri më 2027

Perspektiva e Bashkimit Evropian për Ballkanin Perëndimor nuk është më një proces datash, BE-ja po ndryshon, ndoshta duhet të ndryshohet…

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Shqipëria, emigrantët dhe BE

Ndërsa procesi i votimit në vendet e BE edhe pak i afrohet fundit, pak ditë më parë kryeministrja e Italisë,…

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

“Daily Express”: Shqipëria – zbuloni disa nga brigjet më të bukura të vendit ballkanik

Aurora Bosotti shkruan në të përditshmen britanike “Daily Express”.