Disa prej rrugëve të qytetit të Shkodrës i është shtuar ndriçimi LED, duke ofruar një pamje tjetër.

Kryetari i bashkisë Shkodër, Benet Beci ndau në rrjetet sociale pamje nga një pjesë e ndriçimit të ri në qytetin verior.

Bashkia e Shkodrës po vijon punën për ndriçimin e rrugëve me teknologjinë LED, ndërkohë që është një nga 4 bashkitë pilot përfituese të projektit “Bashki me shfrytëzim inteligjent energjie”, financuar nga qeveria zvicerane nëpërmjet SECO, qeveria shqiptare (Ministria e Infrastrukturës dhe Energjisë) dhe Bashkia Shkodër.

Rreth 50 milionë lekë të rinj është fondi që përfiton Shkodra nga ky projekt, i cili përfshin ndriçimin me teknologjinë LED të 11 rrugëve kryesore të qytetit.