Ambasada e Shqipërisë në Athinë organizoi një pritje për një grup të bashkëshorteve të Atasheve Ushatarakë të akredituar në Greqi.

Sipas njoftimit të ambasadës, zonjat patën mundësinë të njihen me traditat, kulinarinë dhe mikpritjen e ngrohtë shqiptare.

E pranishme ishte dhe ambasadorja Luela Hajdaraga.

POSTIMI I AMBASADËS

Patëm kënaqësinë të mikpresim në ambientet e Ambasadës së RSH-së në Athinë një grup të bashkëshorteve të Atasheve Ushatarakë të akredituar në Greqi, me të cilat bashkëbiseduam miqësisht rreth vendeve tona, kontributin e grave në zhvillimin e tyre, por dhe sfidat që ato ndeshin gjatë shoqërimit të bashkëshortëve ushtarakë në detyrat e tyre, në shtete të ndryshme.

Gjatë këtij takimi, të organizuar nga ana jonë, nën kujdesin e bashkëshortes së Atasheut Ushtarak shqiptar, znj. Mrike Berzani, zonjat patën mundësinë të njihen me traditat, kulinarinë dhe mikpritjen e ngrohtë shqiptare.