Kandidati i Partisë Socialiste, Eduard Duro fitoi shumicën e votave kundrejt rivalit nga koalicioni “Bashkë Fitojmë“ Elvis Hajdërlli.

Ministri i Mbrojtjes Niko Peleshi, njëherësh dhe drejtues politik i qarkut të Korçës, deklaroi se nga nesër Devolli do të jetë në duart e devollinjve.

“Sot ka shumë fitore por fitorja me e bukur është ajo e Devollit, e cila sjell besim për të nesërmen. Devolli sot ka hequr pluhurin. Devolli nga nesër do të jetë në duart e devollinjve. Do të mbajmë premtimet. Nga nesër hapet një faqe e re në historinë e Devollit, Devollit modern Duam të ndërtojmë një qytezë dhe fshatrat ku të rinjtë të duan të jetojnë këtu. Nga nesër nuk do të ketë flamuj politik, por vetëm flamuj të punës”, tha Peleshi.

Ndërsa Duro theksoi se kjo fitore nuk ishte e tij, por ishte fitore e devollinjve.