Si sot 32 vite më parë, më 15 mars 1991, Shtetet e Bashkuara dhe Shqipëria rivendosën marrëdhëniet diplomatike.

Ambasada e Shteteve të Bashkuara të Amerikës, në Tiranë publikoi në rrjetet sociale një foto të momentit të nënshkrimit të memorandumit të mirëkuptimit në Uashington DC, i cili parashikonte hapjen e ambasadës përtej Atlantikut, në Shqipëri.

“Pas 52 vitesh ndarje, ministri i Jashtëm i Shqipërisë, Muhamet Kapllani dhe ndihmëssekretari i Shtetit i SHBA-së, Raymond G.F. Seitz nënshkruan memorandumin e mirëkuptimit në Uashington DC, i cili parashikonte hapjen e Ambasadës përtej Atlantikut, në Shqipëri”, shkruan Ambasada.

After 52 years of separation, Albanian Foreign Minister Muhamet Kapllani and U.S. Assistant Secretary of State Raymond G.F. Seitz signed the Memorandum of Understanding in Washington DC, which provided for the opening of the Albanian Embassy across the Atlantic. 2/2 pic.twitter.com/evC7xG2e9z

— USEmbassyTirana (@USEmbassyTirana) March 15, 2023

Ambasada publikoi edhe dy foto. Në njërën foto tregohet ministri i Jashtëm i Shqipërisë Muhamet Kapllani dhe ndihmëssekretari Amerikan i Shtetit, Raymond G.F. Seitz në nënshkrimin e memorandumit në Uashington, më 15 mars 1991.

Në foton tjetër tregohet gazeta “News York Times”, e cila botoi një artikull mbi rivendosjen e marrëdhënieve diplomatike më 16 mars 1991. /ATSH/