Alex Soros, i cili drejton fondacionin “Open Society Fondations” (Fondacionit Shoqëria e Hapur), themeluar nga babai i tij, George Soros, me shtrirje në shumë vende të botës ndodhet në Durrës për tu takuar me qytetarët afganë të strehuar atje.
Fotot e bashkëbisedimit në Durrës me këta qytetarë afganë i ka publikuar në Instagram vetë Alex Soros. Ai shihet teksa bisedon me qytetarët afganë, ndërsa nuk ka hezituar që të bashkohet edhe në lojërat e fëmijëve, të cilët ndodheshin duke luajtur në ato momente.
“Kam patur privilegjin të takoj kolegët e Fondacionit Shoqëria e Hapur dhe të evakuuar të tjerë që u shpëtuan nga Afganistani drejt Shqipërisë. Ky grup përfshin gazetarë, mbrojtës së të drejtave të njeriut, punonjës civilë, artistë dhe familjet e tyre.”, shkruan mes të tjerash Alexander Soros.
View this post on Instagram
