Presidenti i SHBA-së, Donald Trump nënshkroi sot rezolutën e Bordit të Paqes si kryetar i Bordit, sipas “NBC News”.

Anëtarët e Bordit të Paqes votuan për një rezolutë që përcakton parimet e integritetit financiar dhe transparencës, që do të qeverisin operacionet e Bordit.

Rezoluta u miratua unanimisht. Pas votimit, udhëheqësit e tjerë iu bashkuan Donald Trump në nënshkrimin e marrëveshjeve të angazhimit për donacione.

Në takimin e parë të Bordit të Paqes, të mbajtur sot në Institutin Amerikan të Paqes, përfaqësuesit nga disa vende u zotuan të ofrojnë ndihmë për rindërtimin e Gazës.

Ja çfarë po premtojnë vendet:

• Indonezia rikonfirmoi angazhim për të dërguar 8 000 trupa për të marrë pjesë në një forcë ndërkombëtare stabilizimi.
• Katari premtoi 1 miliard dollarë për të mbështetur misionin e Bordit të Paqes.
• Emiratet e Bashkuara Arabe premtuan 1,2 miliard dollarë për të mbështetur Gazën.
• Maroku u zotua se do të dislokojë oficerë policie dhe për të trajnuar policë nga Gaza. Vendi tha se do të vendosë gjithashtu oficerë të lartë ushtarakë në forcën ndërkombëtare të stabilizimit.
• Rumania tha se do të rrisë fluturimet që evakuojnë fëmijët me sëmundje, për t’u trajtuar në spitalet rumune. Rumania tha se do të ofrojë gjithashtu bursa për studentët palestinezë dhe do të rindërtojë shkollat ​​në Gaza.
• Shqipëria konfirmoi se do të marrë pjesë në forcën ndërkombëtare të stabilizimit.
• Egjipti u zotua të vazhdojë të trajnojë policinë palestineze për të çuar përpara përpjekjet e sigurisë.