Delegacioni i ‘AFET’ në Kuvend, Peleshi: Anëtarësimi në BE mbetet prioritet kombëtar

Kryetari i Kuvendit, Niko Peleshi, priti sot në Kryesinë e Kuvendit delegacionin e Komisionit për Punët e Jashtme të Parlamentit Europian, AFET, të kryesuar nga Kryetari David McAllister.


Kryetari i Kuvendit, Niko Peleshi, priti sot në Kryesinë e Kuvendit delegacionin e Komisionit për Punët e Jashtme të Parlamentit Europian, AFET, të kryesuar nga Kryetari David McAllister. Takimi u zhvillua në kuadër të vizitës për njohjen nga afër me procesin e anëtarësimit të Shqipërisë në Bashkimin Europian.

Peleshi dhe anëtarët e delegacionit zhvilluan një diskutim të hapur mbi arritjet, sfidat dhe hapat e mëtejshëm të Shqipërisë në rrugën drejt anëtarësimit në BE, si dhe mbi zgjerimin e bashkëpunimit të Kuvendit me Parlamentin Europian dhe AFET për përshpejtimin e këtij procesi.

Peleshi vlerësoi mbështetjen e qëndrueshme të Parlamentit Europian dhe theksoi se zgjerimi i BE-së përbën një investim për sigurinë, stabilitetin dhe të ardhmen e Europës.

Ai nënvizoi se, Shqipëria ndodhet tashmë në një fazë të re të procesit, duke kaluar nga integrimi drejt anëtarësimit, ndërsa Kuvendi ka ndërmarrë ndryshime ligjore dhe ristrukturime për të forcuar rolin e tij në këtë proces. Objektivi i vendit mbetet përfundimi i negociatave deri në fund të vitit 2027 dhe anëtarësimi në Bashkimin Europian deri në vitin 2030, një synim ambicioz, por realist.

Kryetari i Kuvendit evidentoi progresin e Shqipërisë në hapjen e negociatave për të gjithë grupkapitujt, si dhe angazhimin e Kuvendit dhe të institucioneve për përmbushjen e piketave të ndërmjetme në fushat kyçe, veçanërisht në sistemin e drejtësisë, luftën kundër korrupsionit dhe garantimin e të drejtave themelore.

Kuvendi, theksoi ai, ka luajtur një rol qendror përmes miratimit të një sërë ligjesh që afrojnë legjislacionin shqiptar me acquis të BE-së dhe përmes forcimit të bashkëpunimit ndërinstitucional dhe konsensusit politik e parlamentar për anëtarësimin në familjen europiane.

Gjithashtu, Peleshi riafirmoi përputhjen e plotë të politikës së jashtme të Shqipërisë me Politikën e Përbashkët të Jashtme dhe të Sigurisë të BE-së, duke theksuar se vendi mbetet një partner i besueshëm dhe i angazhuar në kampin euroatlantik. Ai falënderoi delegacionin e AFET dhe Kryetarin McAllister për mbështetjen dhe besimin e vazhdueshëm në të ardhmen europiane të Shqipërisë.

Ky takim, një hap i rëndësishëm në forcimin e bashkëpunimit të Kuvendit me Parlamentin Europian për avancimin e procesit të anëtarësimit të Shqipërisë në Bashkimin Europian.

Burimi ATSH

Lexo më shumë nga

“Albania’s European Week”

Në kuadër të Albania’s European Week, Ambasadori Petrit Malaj, së bashku me Ministren Këshilltare, Pranvera Teli, mbajtën sot në Kolegjin…

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

“Albania’s European Week”

Në kuadër të Albania’s European Week, Ambasadori Petrit Malaj, së bashku me Ministren Këshilltare, Pranvera Teli, mbajtën sot në Kolegjin…